البارحه

البارحه.
ليله بعمري جارحه.

مدري شقول!
لحظة ذهول.
ازرت تصدقها العقول!!
جابتها صدفه جانحه.

بنفس المكان.
اللي جمعنا من زمان.
اول لقا!!ينبض بشوقي والحنان.
ليله...يصارحني بحبه والغلا واصارحه.

يااااااه..ياهي سنين.
مرت علينا عايشين.
نخفي الم قلب حزين.
من العواذل لا يبين........لكن!!

البارحه.
شوقه بعينه فاضحه.
وده يصارحني الكلام.
ياخي وش جابك؟حرام.
تنكث جروحي والغرام .

وانا اعرف انها بشوفي فارحه.

واثق!!!
ولوصعب الرجوع.
الحب علمنا الخضوع.
واكبر دليل:

البارحه.شوقه بعينه فاضحه.
لين انتثر على الخد الدموع.

................................... ................................... ........

ليلة وداع


في ليلة وداع
ليله بدايتها اجتماع
خوف وتردد م الضياع
الكل منا مستحي
خايف ولا وده يقول
لحظة فشل كل الحلول
هو صدق رايح نفترق؟
هذي نهاية حبنا
امال فجاه تحترق
ضاع الامل
والقلب للهم احتمل
وضاع الحبيب
اللي رجيته من سنين
مابين شوقي والحنين
قسمه ونصيب
قلبي يحن ويزهمه
حسبي على اللي حطمه
هو السبب
هز المشاعر مرغمه
وانا السبب
اللي غرامك اكتمه
ماعاد تجدي الامنيات
ضاع الامل وسط الحياة
كله بعد ليلة وداع
عايش بحبك للممات
................................... ........................

يامرحبا بالعيـد يوم(ن)معـه عيـد
للعيد فرحه وفرحـة العيـد لقيـاك
عيد تثمـن بـه جميـع المواعيـد
.لا عاد عيد فـات عشتـه بليـاك
وش هي حياتي لاسرت شيخة الغيد
حرام ماتسـوى هواجيـس فرقـاك
انتـي حياتـي عشتهـا بالتناهيـد
حبك سريته خابـر دربـه اشـواك
لاجلك مرضت وشفت كل التزاهيـد
يوم انقطع خطـك تعنيـت ماقـواك
الله حسيبك وجعتك (تطوي القيـد)
حتى الطبيب احتار مايعـرف دواك
والله حرام تجـدد الجـرح وتزيـد
الله يعينـك ماكبـر اليـوم بلـواك
كله لاجل عين بها تطـرح الصيـد
ولاجل الخفوق اللي حلم ضمة شفاك
ولاجل الجديل اللي انتثر يكسي الجيد
عز الله انه ياريش العيـن يزهـاك
اموت واحيـا لا طريـت المواعيـد
يجـزاك ياليـل المواعيـد يجـزاك
القلب تطريـه الهواجيـس ويزيـد
ويضيـع فكـره لا تذكـر محيـاك
................................... .................................

اطلب تمنىاطلب تمنى رخصت اليوم الاثمـان
قل لي وش اللي ياحبيبـي تريـده
اطلب حياتي وابشر بروح انسـان
لاجلـك حياتـي ياحياتـي زهيـده
من ذاق طعم الحب ضحى ولوكـان
روحه نزعها بين الاضـلاع بييـده
التضحيه بيـن المحبيـن عنـوان
اكبر سند للحـب تدعـم رصيـده
عطني الثقه وقت الوفايالغضي حان
جاااااوب خفوق سكنك في وريـده
جرب معي والتجربه خيـر برهـان
صدق المشاعر لـك محبـه اكيـده
ربك قنعت وقلبـك بوصلنـا لاااان
بحت السرايـر والقوافـي شهيـده
دنيا بلا صوتك غدت هم واحـزان
وبهاجس الفرقـا خفوقـي تزيـده
طيف الغلا يسري على القلب ولهان
ينطر ولو شـاف المسافـه بعيـده
عطني الامل وابشر لك بروح انسان
سلمك روحـه كـودك تفـك قيـده
................................... ............................

القلب صد
القلب صد وكل شي بعـد صـد
والنفس طابت من حياة الزهايـد
والعمر قفـا مالحقنـا معـه ود
الاغرام عن مدى الشوف نايـد
كل الدروب اللي تبي توصله سد
ادري بها مير الغلا حيـل كايـد
اغليه لو تبقى المحبه بـلا حـد
واغوص في بحره ولا نيب صايد
يكفيني انه يشتكي لي اذا احتـد
واشكي له همومي بوقت الشدايد
ويكفيني انه فاهم ماحوى الـرد
من قبل ماحكي يفتهـم للشرايـد
متفاهمين بالهوى جـزره ومـد
القلب واحـد والطبايـع فرايـد
مستنسخين ونجتمع في ذرىجـد
الله يرحـم زايـد(ن)دون زايـد
يابنت كـان الهـوى يلحقـه ود
وش بالمحبـه حظهـا بالنكايـد
................................... ........................

السلام عليكم

اقدم هذه القصيده التي كتبتها البارحه بعد ان والا اقول خلوني اعلمكم:

السالفه ياطوال العمار

جاءني البارحه في تمام الساعه الثانيه رساله من جوال مجهول
وكان فيها هذا البيت:
ارسل ترى كل كلمه منك مقبوله.....ماتدري انك بخط الحرف تحييني

في الحقيقه البيت قوي وكلماته معبره وبعدها اتصلت على رقم الجوال الذي بعث بالرساله فكانت مفاجاه صاحب الجوال(!!!!!)زمااااااان ماسمعت صوته اقفلت الجوال بعد محادثه قصيره وحلقت مع الذكريات لتخرج لكم هذه الابيات:


ارسل يفز الخفوق لشوق مرسوله
اقرا الرساله ودمعي مغرق عينـي
من فرحتي جاتك الاشواق محموله
وسط القوافي تهيضنـي وتبكينـي
عجزت اعبر ولو كلمات معسولـه
في وصف حبك قصيدي مايكفينـي
روحي بدونك هوية شخص مجهوله
ولحظةعرفتك بديت احسب سنييني
مجنون!صاحي!!بحبك:تقدر تقولـه
عقب المها لخبطت عندي موازيني
في القاهره فارقتها الروح مقتولـه
وفي المملكه بالرسايل جت تداويني
(ليت الصور تعبر الجوال منقولـه
حتي تشوفين دمعي مغرق عينـي)

................................... .............................

((((يامهـــــجة الــــروح))))

بسم الله الرحمن ا لرحيم

اخوتي الاعزاء /
بعد التحيه والسلام اقدم لكم هذه المشاركه راجيا ان تحوز على اعجابكم ولله يحفظكم:


يامهجة الروح ليت الـروح منتوقـه
وانتي تعيشين في دنيـاك بفروحـي
العمـر فـدوه لعين"؟؟؟؟؟"نسـوقـه
دامه بخير وفرح وش عاد لي بروحي
هذا شبيه البدر ياسعـد ابـو شوقـه
الله يهنيـه حـاز الزيـن مملوحـي
راعي العيون الوسيعه لا ركز موقـه
تخشع عيون الحرار وترخي وتوحي
ولامن تكلـم يهـز القلـب منطوقـه
ولا من ضحك ياعرب نساني جروحي
قلبي علـى قلبـه وكـل وطاروقـه
اجيه زعلان وارجع كلـي مزوحـي
الطبع واحد ياكود ابحث عن عروقـه
كود العجايز تهـل السـد وتبوحـي
انا اشهد اني بابيع الروح في سوقـه
دامه بخير وسعاده وش لي بروحـي
................................... ............................
((((عسرالقصيد))))



آخر ايامي تعسر على فكـري القصيـد
والمعانـي الوافيـه ماقـدرت اجيبهـا
كل مااكتب شطر الابيات احقره ثم اعيد
ماكتبته من قوافي وانـا مـادري بهـا
لخبطه في خربطه ويش اقول ويش ازيد
القريحـه مـن بلاهـا بتفـري جيبهـا
تنعي ايامٍ انطوت عصرها الماضي مجيد
يوم تنخاهـا المشاعـر وتسـري بهـا
تغرف بحور المعاني على ماهـي تريـد
وتقطف ورود القوافي وتنشـر طيبهـا
ذاك وقت مضى والهوى ساعي البريـد
والرسايل لوعة الشـوق فـي تعذيبهـا
ذاك وقت مضـى يـوم خفاقـي وحيـد
مايحسّـب للمخاطـر وياطـا ذيبـهـا
ذاك وقت مضـى مـن تحبـه مايحيـد
عن غرامك لو عظيم البلاوي تصيبهـا
ذاك وقت مضى الغـلا وسـط الوريـد
كافـل للـروح مـن مرهفـه تهذيبهـا
انتهت فترة ومقبل لنـا عصـر جديـد
يوم بان فمقدم الراس خصلـة شيبهـا
انكشف في بنك الاشعار مايحوي الرصيد
عجز في العمله ولا فيه من يشري بهـا
................................... ................................
((((.يسعدك بالخير .))))



يسعـدك بالخيـر ياغلـى هنـوف
ياوليـف صـاب قلبـي ثـم سـرا
تطلبين الشوف وش تبغى تشـوف
صاحبـك مـن زود حبـك انبـرا
لا تخيل صورتك باجمـل وصـوف
طـار مـن عينـه منامـه والكـرا
ينتظر لحظـة وصولـك لا تطـوف
يسالك وش صارعنـدك وش جـرا
ياعسى ماردتـك بعـض الظـروف
ياغريـب دايـم بفـكـري طــرا
قمت اهذري بك فـشعري والحروف
مـن سمعنـي قال:عزالـه هــرا
ياخشيف الريم عـارف ومعـروف
ايـه احبـك مـوت لـو كـل درا
ياسمي الريم لـو زدنـا الحـروف
هل يجـي يـوم نتقابـل ياتـرا !!
................................... ........................

((((.الليل طال .))))



الليل طال وضامـر القلـب ملتـاع
ازريت افـرق ساعتـه والثوانـي
من هاجسي في هاجسك والفكر ضاع
همك سطا قلبـي وهمـي ضوانـي
احس باوجاعك وانا فينـي اوجـاع
واصبر على الاهات واسهر واعاني
(اخاف ابوح بوجعتـي ثـم ترتـاع
لاني اعرفـك يالغضـي ماتدانـي)
حبيت اضحي لو هو القلب ماطـاع
واقسى على حبي واكـون الانانـي
جات النتيجـه كلهـا الام وادمـاع
وزود على جرحك سطا جرح ثانـي
لا يا (فلانه)تحسب القلـب جـزاع
لا والـذي زود حـلاك وبـلانـي
انطر عسى صوتك على الخط ينذاع
والشـوق يمـك يالحبيـب حدانـي
ابحرتنا في بحر حبك بـلا شـراع
السيف صدرك والعيـون الموانـي
لاجلك بابيع العمر ان كـان ينبـاع
ياغالـي حبـه سكـن فالمثـانـي
................................... ........................

محتار


محتار مدري لكـن بصـدق محتـار
والروح فيها يا غلا الـروح حيـره
مدري شسوي وش حصل مني وصار
ياكيف اترجم بالهوى اليـوم سيـره
نبض الغـلا مابيننـا صـار تذكـار
للي معي بالـروح صـارت خشيـره
ياحسبي الله من تصاريـف الاقـدار
كيف اظلمتنـا وكـدرت هالمسيـره
جيته واجمع لـي حثـالات الاعـذار
ابفتح الموضـوع واحسـم مصيـره
قلت اتكلم وزادني الموقـف اصـرار
وفاتحتها والصمـت يفـرض نذيـره
ضميتها لصدري وانا اخـاف تنهـار
وهاك الجديل اللـي تناثـر عبيـره
حسيـت بدموعـه تحـدر كالانهـار
تبكـي الغـرام وكنهـا مستجـيـره
جاوبتها واالدمع يحـرق كمـا النـار
غصب علي ابكـي بـروحٍ كسيـره
ياغاليـه مادامـك الـروح باختـار
قربك عسى في الامر يابنـت خيـره
دقّت نواقيـس المخاطـر والانـذار
والقلـب يرسـل للمشاعـر نذيـره
وهبت هبوب العواصف والاعصـار
والشوم بـان وغـرد اليـوم طيـره
والعين تمشي بازرق الدمـع مـدرار
يسوقها شـوف الظـروف العسيـره
حياتنا تنساق فـي مـوج الاخطـار
يالله عسى تالـي التوالـي الستيـره
ياشوق انا وش حيلتي اليوم واختـار
ابيك تكفـى وانتخـي بـك كسيـره
وش في يدي والوقت يا مهجتي جار
لو تطلب اعيوني ابامشـي ضريـره
لا تلوم دمعي والمشاعـر والاشعـار
لولا المحبه ما بكـى القلـب غيـره
بارضى نصيبي درهـم كـان قنطـار
واعيش لك لوني بـاذوق المريـره

................................... ........................

هذه القصيده من الشاعر منصور العنزي للمرحوم فهد وكان فهد يشارك في احد المنتديات باسم جساس



جساس جاك اكليب والدرب واعـر
عقبه يجيك الزيـر حامـى ثقلهـنّ
سيف ٍ على كل الشطيـرات ماهـر
ينطح لحاله كثر الاقـوام وان جـنّ
قضى حياته بيـن الامـوات عابـر
محسب لدنيـا بهـا النـاس تفتـنّ
درب الوغى ياطـاه والقلـب كافـر
وكم واحد ٍ خلى حريمـه يصيحـنّ
خلى زمانه بين الازمـان حاضـر
لليوم ومجاده مـع النـاس يحكـنّ
مالك ولعبـات الزمـن والمخاطـر
ومالك وناس ٍ من على سهيل تسكنّ
حداد ٍ حراب الوقت والسهـم فاجـر
ولاضنتـى ضربـات الايـام بيـرنّ
يدعنّـه اول واخـر الليـل ساهـر
عينـه تباكـى والمعاليـق يشكـنّ
الفعل يبغى له مـن الولـد كاسـر
يوله على ضرب المحاديب ويحـنّ
قلبه حديد ولاخـذى الثـار غافـر
وقلبه عطوف وعنده السن باالسـنّ
الشعر له عندى من القاف حاضـر
اطرد بيوت ٍ واجمـل بيـوت يلفّـن
ومنصور حقه لـو تفاخـر وكابـر
مدام خطواته عـن النـاس عـدنّ
نجمه تعلى فـوق امسـه وباكـر
شهر مع انجومن على الكل يبـدنّ
حطط ركابه فـوق هـاك الزواهـر
ارفع عيونك تلمـح الهيـل والبـنّ

ورد فهد عليه:



يامرحبا ياكليـب وانتـه تحـاور
وتذكر فعول ماضي الوقـت قفـنّ
حرب شعلها الزير يومـه مغامـر
في ذبحتك مني بغى اخوك ينجـنّ
قام يتخبط مـادرى مـن يشـاور
ونهايتـه كانـت اليمـه وتحـزنّ
منصور شاعر قافك اليوم عامـر
كل القوافي عندك اليـوم تذعـنّ
تلعب بطرقك فوق كـل المحـاور
فلا يدخلك في نفسك الشك والظنّ
سندتني وافـي قصيـدك وتامـر
على ردود وسـط فكـري تبنـنّ
ارسلتها لـك مابقصـدي انـاور
قصدي اجاري حرفك بذوق وبفنّ
ان كان شعري بالاحاسيس ضامر
فشكواي لله هو له الحمد والمـنّ
هذا هو المجهود من قلب شاعـر
وده بيوتـه للمعـانـي يـوفـنّ
ماغتر في كثر الحكي والمظاهـر
حتى ولو هـو وافـيٍ بيتمسكـنّ
يكفيه من يفهم بهمس المشاعـر
يعشق قصيده وان فقد شوفته حنّ
ينبض بقلبٍ صافي الشوق طاهـر
والقلب قبل العين احيـان يفتّـن
هذا وانا جساس راعـي الاباعـر
ذيداننا في هضـب نجـد تمثنـنّ
ترعى من ايام الجهالـه شواهـر
ترعى بهيبتنـا لفحلهـن يبـارنّ
عنـد الحميـا كـل حـرٍ يجاهـر
وخافي السوالف ذيك الاوقات يبدنّ
................................... ..........................
بيني وبين جراح
-------------


ليل الخميس استلهم القلب هوجـاس
والشوق للـروح الكسيـره اسرهـا
والعين عيّت تفرح اليـوم بنعـاس
خافي القـدر زوّد عليهـا سهرهـا
وتسوقني الاقدار باركان الاحسـاس
وياسعد عينـي يـوم هـذا قدرهـا
لقيت غالي له مكانه علـى النـاس.
لقيت دانـة ساطعـه فـي دررهـا
هي عادة الدانـه تغطـي بالالمـاس
مثل النجـوم اللـي كتمهـا قمرهـا
يابنت لو قدر الغـلا فيـه مقيـاس
ترجح بك الكفه على مـن حضرهـا
مدري شقول ولكن ان عاش هالراس
مانساك لو حـاط بحياتـي خطرهـا
انتي عزيزة قوم من راس قرنـاس
كم حيـال عـودك لضيفـه عقرهـا
كفوا غصب واللي يعارضك ينـداس
والله يحفظك مـن بـلاوي دهرهـا


................................... .................................

شكرا على هذ الابداع اخت سان واخ فهد في قلوبنا

والله يرحمه وينقه من الذنوب والخطايا كما ينقى الثوب الابيض من الدنس

الله امين اللهم امين

هذه قصيده اشترك في ابداعها اصدقاء اوفياء للفقيد رحمه الله
من منتدى احساس

الشعراء هم / طايل الذويبي - العذوب - محمد الطرقي


ياجـرح قلبـي لاتذكـرت جــراح
الغـالـي الـلـي كلـنـا فاقديـنـه
خوينـا اللـي للمواجيـب نـطـاح
اللـي بفعـل الطيـب تنـدى يمينـه
بشوش طلق إحجاج طيـب ومـزاح
وافـي كريـم اخـلاق ومجربيـنـه
فرقاه حطت هم واحـزان وأجـراح
وإستنزفـت كـل الجـروح الدفينـه
له في حنايا القلب ممسـى ومـرواح
يبقى علـى مـر الزمـان وسنينـه
من جاه يشك الهم عن قلبـه أنـزاح
ويروح عنـه الهـم عجـلٍ بحينـه
وماللسعادة مسكنـن صـار ومـراح
-من بعد فقـده مالهـا اليـوم عينـة
الدمع مـن عيـن المحبيـن سـواح
والحـزن ياطايـل لنـا الآن زينـة
لبس لنا حزنه كمـا لبسـة أوشـاح
ومافـات يـوم الا الدمـع ذارفينـه
لا والله الا راح ثـم راح ثــم راح
آآآآآآآآه ..الموت حق وكلنا عارفينـه
برق الحزان اللي على المنتـدى لاح
خيـم علـى اللـي كلهـم فاقديـنـه
الموت حق ولاعن المـوت مجنـاح
وتمشي على هذا الطريـق السفينـه
وعمارنـا فيديـن خــلاق الارواح
كـل ٍ حياتـه سجلـت فـي جبينـه
وعسى التجاوز من نصيبه والا صفاح
والله علـى سيـرت حياتـه يعينـه
لعياله ادعي بالسعـادة والا صـلاح
والله يصـبـر بالـعـزى والديـنـه



الشاعر حنيان الدوسري يرثي فهد رحمه الله
يقول الله سبحانه وتعالى :

" كل نفس ذائقة الموت ..." فـ لله ما اخذ وله ما اعطى وكل شيء عنده بأجل مسمى

ففي عصر يوم الجمعة الماضية فقدت المحافظة أحد شبانها الأوفياء والذي وافاه الأجل المحتوم

وهذا ليس بغريب فهو طريق سوف يسلكه كل إنسان ولكن !

كونك تفقد أعز صديق فهو بلا شك سيكون فقده مؤثراً وهذا مادعني لطرح مشاركتي كون الفقيد من

الأصدقاء الذين تشرفت بمعرفتهم وجمعتني بهم أمسيات أدبية كان آخرها قبيل رحيله بأيام بقصد مناقشة

أمور تخص واحة الوادي الثقافية فرحمه الله رحمة واسعة وغفر الله له وأسكنه فسيح جناته


ناح الحزين وبدعت الشعر لنياحه
مشاعرٍ في فقيدٍ راحلٍ غالي

أقصد فـهـد ياطيورٍ دوم صداحه
غني بحزني على قافي وموالي

غني بشعرٍ تبثه موجة الساحـه
في من رحل عن وجود الكون للآلي

مالوم قلبي أبد لوزادت اجراحه
والعين مسموحةٍ لو دمعها سالي

فيك التواضع لبسته باجمل وشاحه
مع حسن خلقٍ وضحكٍ يسعد البالي

يبكيك من هو عرفك وصرت له راحه
يا آســرٍ القـلوب بـطيبة الجـالي

ويبكيك من قد توقف واطلق سراحه
فــردٍ من العسكرية حالته حــالي

وتبكيك ليلة بدر مع جمعة الواحه
ويبكيك شعرٍ طرب لابياتٍ جزالي

وتبكيك نـجدٍ مع جـيزان والباحه
وتبكيك فــرعة رجالٍ صيتهم عالي

فيالله بروضه من الخيرات فواحه
تـبقى مـقره بـجنة خُــلدٍ يـاوالـي



رحم الله أبا مــاجد وتغمده بواسع رحمته وأسكنه فسيح جناته وإنا لله وإنا إليه
عبدالله بن حمير يرثي فهد
بسم الله الرحمن الرحيم..
هذه مرثية في فقيدنا الاخ النقيب / فهد بن ماجد بن حسن ال ناهش الوداعين الدوسري,, رحمه الله واسكنه فسيح جناته ..والاخ الفقيد المرحوم باذن الله تعالى..فهد بن ماجد اكبر من كلمات ترثيه فهو رجل قلما تجد مثله احبه الكبار قبل الصغار شخص يحمل في داخله انسانا سبق سنه ..
يملك الاخ فهد رحمه الله كل المواصفات التي تجعلك تحترمه شخص يشار له بالبنان.. انا هنا لا اعزي انا هنا لا اكتب لامجد فهد ،فهو علم على رأسه نار اثبت وجوده فكسب احترام الناس .. عاصرته في دراسته المتوسطه والثانويه احببته ويشهد الله على ذلك .. حزنت وبكيت وتأثرت تمنيت ان افديه بأحد ابنائي .. ولكن هيهات فالاجل قد حل ... وكما يقول الشاعر(( وما المال والاهلون الا ودائع،،، ولابد يوما ان ترد الودائع ))..
اخواني اعذروني على مقدمتي الطويله ففهد الانسان لمن يعرفه ومن سمع عنه يملك صفاتا تجعلك تقف امامه احتراما .. رحمه الله .. ادعو الله ان يعوضه بشبابه بحياة مديده في جنة الخلد انه ولي ذلك والقادر عليه..
هذه كلمات كتبها الشاعر (( عبدالله بن حمير بن سابر الرجباني الدوسري)) في فقدينا جميعا فهد بن ماجد .. وهي تعبر عن مدى الحزن الذي احس به فيمن حوله..
يقول الشاعر..

يا ماجد اصبر واحتمل للمصيبه
واعمد على من جاب واخذ الفقيده

منتب إلحالك في فجيعة مريبه
معك ترى عانيتنا من فقيده

وش في يدك والاّ يدي شي غيبه
عند الله القادر مصّرف عبيده

شلها بنفسٍ للرزايا رحيبه
مثل الجمل ينهض ولو فيه قيده

( فهد) قِدَم والله كتب له نصيبه
سبحانه العالي على مايريده

ابن آدمٍ مهما بقى مايثيبه
حرصه الى حان القضا مايفيده

فالموت حتماً والسبايب تجي به
مقّدرٍ للعــمر حتى يـصيده

كم من حبيبٍ فّرقّه من حبيبه
ماهو يمالي لادنا قال سيده

فلو ان فهد يفدى بمالٍ نجيبه
والاّ فدا باعيال نفدى الوليده

ترخص لبو ماجد على شان طيبه
في معجزاتٍ بالمراجل حميده

فعله سبق سِنه بانفال ٍ عجيبه
تصعب على من كان عمره نديده

لو ان افنّدها محال ٍ صعيبه
يشهد بها من جالسه في صعيده

خلقٍ واديبٍ والمزايا عريبه
بالفعل وافعولٍ إي والله اكيده

يالله يا مسقي الفياض العشيبه
من فيض ماك اللي بجودك تزيده

تمطر على قبره امزونٍ سكيبه
واجبر عزانا في الفقيد الوليده

عذرالقلم هلّ الدموع السكيبه
في موت بدرٍ غاب نوره وجيده

خلّف نباً طيّب وفعل ٍ ثني به
شبل الاسد وراه خلّف سنيده

................................... ..........................
الشاعرعبدالله بن حمير ال سابر الرجباني الدوسري..


عبدالله العريمه يرثي فهد رحمه الله
بسم الله الرحمن الرحيم

( كل نفس ذائقة الموت ..) ( يا ايتها النفس المطمئنة ارجعي الى ربك راضية مرضية )

ساكتب نبذه مختصرة جدا عن الشاب النقيب الخلوق ماجد بن حسن ال ناهش الدوسري

توفي ليلة الجمعة في حادث اليم ..

وخبر وفاته هز الوادي باكمله لما لهذا الرجل من صفات حميدة ..

امتلاء مسجد الجمعة عن بكرة ابية وصلى الناس في ساحة المسجد من الخارج

المقبرة تعج بالمسلمين ولا تكاد تنظر الى ارض المقبرة ..

انها الخاتمة الحسنة باذن الله ..

نشأ فهد بن ماجد على حب الخير وجبل عليه كان يعتني بجدة الطاعن في السن

(ابو ابوه ) عناية فائقة .. ويبرة ويقدم له الوضؤ ويطببه ويئانسه

ويقدم له القهوة ويذهب عنه الوحشه ..

وقد كتب في جدة قصيدة جزله جدا .. ومازال بارا بجده حتى وافا جدة الاجل..

وكان حسن المعشر مع الناس .. وحسن الاخلاق .. ويحب المسلمين جميعا

لايحب العنصرية المقيتة .. كل المسلمين اصحابه .. يبتسم اذا رئاك ..

يشارك الناس افراحهم واتراحهم .. يحب الخير للناس .. ويقضي حوائجهم ..

هذا باختصار .. حسن خاتمة الفهد ولنا في ذلك عظة ..واليكم القصيدة ..









يالله ياللـي تجبـر الكـسـر يالله

يامن بيدك الامـر والشـان كلـه



الله يرحـم مـن توفـاه مــولاه

جانا خبـر هـز المخاليـق جلـه



واهتز له وادي الدواسر من اقصاه

يابو حسن مالـوم دمـع.ن. تهلـه



ومصابكم يالله عسى ا لرب يرفـاه

في فقد شبل.ن. منهج الطيب دلـه



فهد بن ماجد علـى العـز مربـاه

برّه ابجده مثل شمـس.ن. مطلـه



وعز.ن. لبوه اللي على الطيب رباه

ومكـارم الاخـلاق عنـده جبلـه



جمع.ن غفير.ن. كبروا خلف مثواه

عسـى مراديـم السحايـب تعلـه



يابو حسـن ماقـدر الله نرضـاه

وحكم القدر نرضـاه دقـه وجلـه





منقول من الشاعر عبدالله بن عريمه

بن رويه يرثي فهد بن ماجد ال ناهش
الشاعر / ماجد بن رويه يرثي الشاعر النقيب / فهد بن ماجد ال ناهش

يالله يامن رهبته مـن وعيـده
ياغافر الـزلات منجـي عبيـده
ترحم عزيز ٍ غاب منـا وعنـا
في ساعة ٍ ماكل غايـب فقيـده
من حبه الله شاع بالناس حبـه
هاذي حقيقه بالصحاح المجيـده
له ماكر ٍفي قمة المجـد نايـف
ماكل حر ٍ لاشهـر لـه يشيـده
وله صفحة ٍ بيضا غمرها بطيبه
حتى شمل طيبه قبايـل عديـده
محزم ظفر مايكربه كود باخـص
باقصى حدود المرجله والوليـده
ماتسمع الاّ سم00وابشر وحاضر
حتى كسب بالطيب ناس ٍجديـده
له موقفٍ يصعب على كل هاقـي
ماكل رجل ٍ لاوقف بـه يجيـده
مضفي عليه الله قبول ومهابـه
فهد خوي الجود عمـه وسيـده
للصبح في وجه الرجاجيل شاهد
وانا لي الله بالصبـر والعقيـده
بالمختصر بعد السنين الطويلـه
كم قصة ٍ عنّـه رواهـا حفيـده



محمد بن فراج الدوسري يرثي فهد بن ماجد رحمه الله
السلام عليكم ورحمة الله
كل من يعرف محمد فراج وقريب منه يعرف حجم مصيبته0 الحمدالله الذي جعلنا مسلمين نرضا بالقدر خيره وشره في الجمعه الماضي فقدت في يوم واحد في وقت واحد أبو فهد والفهد الأول اميرنا ،وحبيب قلوبنا واغلى انسان رفيق دربي صديق عمري روحي كل شي في هذه الدنيا يذكرني به 0،
والثاني رفيق القاف، حبيب القلب ،صديق من اعز الاصدقاء، كم امسيه كنت أنا وهو ،كم مجلس ضمنا بيننا تواصل وصله واسالوا ضلعنا الثالث الشاعر عبد الله بن راجس الخضاري الله يطول عمره على طاعه0
الحمد لله على كل حال 0
انتم تعلمون اني لا اجيّر مقدمات لقصائدي ويعلم الله أني مارثيت بوي الله يرحمه واموات المسلمين وهو اغلى شي في الدنيا ولا احد لاني لااجيد الرثاءولانها ماهيب لحية شعر فالمصاب اكبر بكثير وعزاي انهم انشاء الله من اهل الخير نحسبهم والله حسيبهم
وتوفيا في يوم الجمعه
وكثرت المصلين عليهم
وثناء القريب والبعيد ودعوات المسلمين
* الله يرحمهم ويبيحهم دنيا واخره
=========================




الحمـد الله ديننـا ديـن الاسـلام
نرضى القدر خيره ونرضا بشـرّه
يا بو حسن عجما تصاريف الأيـام
تفرحك مره تزعلـك الـف مـرّه
يا ما سقتنا كاسها مـر واسقـام
يا ما شكينـا ضيمهـا والمضـرّه
وين الفهد وين الصقر وين ضرغام
أوّاه واويـلاه فـي القلـب حـرّه
فقدت بو فهد الغلى فهـد الأقـدام
في وقت واحدشق جيبـه وطـرّه
واللي يهونهـا بجمعـه والاقـوام
شُهاد من صلـى عليهـم بكثـرّه
وان جاك مني طيف شاعر واوهام
شطـب عليـه ولا يهمـك وثـرّه
ماهيب لحية شعر يا شيخ والهـام
لهم دعـا منـي وصـدق ومبّـره
أبشّـرك والخيـر قــدام قــدام
علمٍ يسـرك عنـد ربـي يسـرّه
هذا الفهد ماهوب من سايـر أزلام
أسال عنه ماشـأت كـرّه وكـرّه
واسأل عنه كل السرايـا وأعـلام
وعسكر قوافل جنـد والـي تمـرّه
واسال هله ربعه خواله والاعمـام
كـلٍ ينعّـم بـه ولا حـدٍ تشـرّه
الله يغفـر كـل مابـه مـن آثـام
ويالله عسى الفردوس الأعلى مقرّه



بن مبارك ال ناهش يرثي فهد بن ماجد رحمه الله


الشاعر / فهاد بن مبارك بن ماجد ال ناهش يرثي الشاعر النقيب / فهد بن ماجد بن حسن ال ناهش الدوسري



دق جـوال المصيبـة وقـلـت قطـعـه
قــال مــات الحـرأبـو مـاجـد فـهــد

قلـت ذكـره مايـمـوت وكــل ربـعـه
يـذكــرون أفـعـالـه الـلــي بـالـعــدد

الشكالـة والقـرامـه وطـيـب سمـعـه
والـمـراجـل ذب نـايـفـهـا وصــعــد

شاعـر بـيـرق قصـيـده فــوق تلـعـه
باقـيـن صيـتـه ولـــو ضـمــه لـحــد

وياوجودي وجد من هو شاف فجعه
فـي العـيـال وفــي القـرابـه والبـلـد

أو وجـود اللـي شكـا صكـات بقعـه
والمصـايـب تتـبـعـه مـالــه مـصــد

كـل مـا طابـت حياتـه جــاه صقـعـه
مـــن زمـانــه مايـجـيـه الا الـنـكــد

واوجـود اللـي رحولـه فيـه ورعـه
هــج رحـلـه فــي فــلاة ثــم شـــرد

تيهت به فـي المظامـي وزاد فجعـه
والـضـواري حاصـرنـه ثـــم قـعــد

مـاجـداه الا العـويـل وذرف دمـعـه
فـــي نـمــاه الـلــي تفـلـسـه وفــقــد

والحزن باقصـا حشايـه شـب ولعـه
محتسب صبـري وحزنـي فـي جلـد

واحمـد الله يـوم موتـه يــوم جمـعـه
واطلـب انــه يرحـمـه واحــد أحــد

وياعسـى قبـره نعيـم وفـيـه وسـعـه
وفـي جنـان الخلـد سـعـده والسـعـد

وياعسـى مـزن تـزبـر فـيـه رمـعـه
ويـتــرادم مـقـدمـه بـــرق ورعــــد

سايقـه صلـف الهبـوب وكـل وقعـه
فــوق قـبـرك يافـهـد يـمـطـر بـــرد

ليـن يثـر فـي ثـراك ابطيـب زرعـه
كـــل نـبـتـه مـزهــر ريـحــه يــنــد

وياعسـى الله يرفعـك بدعـاي رفعـه
ذاكـــــرك بـالـخـيــر والله يـافــهــد

تركي بن ماجد يرثي اخوه فهد رحمه الله


تركي بن ماجد بن حسن ال ناهش يرثي اخوه النقيب / فهد بن ماجد


مرحوم ياللي كاسب الطيب عالـي
يرقـى الطويـلـه لـيـن والله كسبـهـا

فعلـه علـى كـل المراجـل هنـا لـي
يطـرب طيـور طايـره فـي طربهـا

فهدٍ(ن) صحيح(ن)بالفعايل اجزالي
قولـه بفعلـه فـي المجالـس شنبـهـا

والفهد صيته واصل(ن)كـل غالـي
حتـى شيـوخ المملـكـه جــا ندبـهـا

والفـهـد قـمـه شامـخـات الجبـالـي
يرسي على طيـب المعالـي ركبهـا

واليـوم عقبـك يافهـد شــان حـالـي
أسهـر بـذكـرك والمحـانـي تعبـهـا

يانـاس قلبـي عـقـب فـرقـاه زالــي
والحـزن فايـح وسـط قلبـي لهبـهـا

والعيـن تشكـي دايـم الدمـع سـالـي
مـن قايد(ن)للجيـش فـارس عربهـا

ياليـت مـوتـه قـبـل مـاجـاه جـالـي
والـروح عنـد ربـي يومـه حسبـهـا

ولا بقبـر(ن)فـيـه رمـــل الهـيـالـي
أسـلــى بـقـربـه وأتـمـنـى سبـبـهـا

ياجعـل قـبـره بـيـن بــرد الخيـالـي
والسيل حافه من طـوارف نصبهـا

وربّـع علـى قبـره نـبـات الفـلالـي
وأخضـر بالخضـره وبـيـن شببـهـا

يالله جـعـلــه يـارفـيــع الـجـلالــي
فـي جنـة الفـردوس يقطـف عنبهـا





شارع بن عايض ال ناهش يرثي الشاعر النقيب / فهد بن ماجد رحمه الله


علمـا فجعنـي زلـزل القـلـب زلــزال
وعظـام جسمـي ياعـرب وش بـلاهـا

قالـو بــو مـاجـد بـعـد صــار رحــال
والـمـوت قـفـا بــه وروحــه خـذاهـا

فقلت الله اكبر ويش ذا العلـم يارجـال
قـالـو صحـيـح ويـجـبـر الله عـزاهــا

عقلي يحـوف يطيـر ويصيبنـي هبـال
مـمـا جــرى نـفـسـي تـزايــد عـنـاهـا

ابـكـي عـلـى فـرقـاه والـدمـع هـمـال
وعينـي جفـاهـا الـنـوم مـاعـاد جـاهـا

وضاقت بـي الدنيـا وهمـي بعـد طـال
ولا عــاد امـيـز مـرهـا مــن حـلاهـا

والارض ضاقت بي من الجال للجال
والـنـار فــي جـوفـي تـواقـد لضـاهـا

وجريت مـن بيـن الزراجيـف ولـوال
مــن عـبـرة بالـصـدر يغـلـي غـلاهـا

ومـن ضيقتـي يالربـع جريـت مــوال
مــوال يـبـرد حسـرتـي مــن شـقـاهـا

فهاضتنـي الفرقـا علـى طـيـب الـفـال
وقلت اكتب بيوت الشعـر فـي رثاهـا

فـرقـا الاحـبـه يـاهـل الـعـرف قـتـال
واعـلـتــي يـالـلــي تـعـســر دواهــــا

ارثــي رفيـقـاً نـــادراً مـالــه امـثــال
وارثــي فـراقـه فــي ليـالـي عـزاهـا

نبـكـي فـراقــه والـزمــن دوم مـيــال
ايــام حـلـوه بــس لاخـــرى وراهـــا

دنـيـا دنـيـه كــل يـــوم عـلــى حـــال
بالسـن تضـحـك والـبـلا فــي رداهــا

فرقا الشلي يرث على النفس والحـال
ولا الــــردي ماينـتـحـسـف عــلاهــا

من مثـل ابوماجـد علـى مـر الاجيـال
حسـبـي عـلــى دنـيــاً كـثـيـر غـثـاهـا

ولـداً نشـا مــن شبـتـه خـيـرة اعـيـال
بالمرجـلـه والطـيـب سـيــس ابـنـاهـا

عــــزٍ لــبــوه ولـلـثـقـيـلات شــيـــال
وقــرمٍ شـجـيـعٍ كـــل عـلـيـا رقـاهــا

وايضـا كريـم ومجلـسـه دوم مـدهـال
وكـريــم سـبــلا مايـحـسـب وراهـــا

ولـيـا هــرج عـنـد الرياجـيـل رجــال
ولاهــوب مــن نــاس كـثـيـرٍ لـغـاهـا

خفـيـف نـفـسٍ مامـعـه كـبـر وخـيـال
ســـاس الـمـراجـل كـلـهـا وابـتـنـاهـا

لـه عـنـد ربـعـه كــل قــدرٍ ومـنـزال
مـن طيـب ساسـه والله اللـي عطـاهـا

فيابـو حسـن حنـا معـك درع وظـلال
فاصبر وصابـر واطلـب الله رضاهـا

عـسـى مــداه بجـنـة الـخـلـد مـنــزال
ويـعـوضـه اجـنــان وسـيــعٍ مــداهــا

فـعـزالله انـــه راح يـالـربـع رجـــال
دارت علـيـه انـيــاب بـقـعـا رحـاهــا




مرثية حسن في اخوه فهد بن ماجد ال ناهش



مرثية كتبها الرائد طبيب / حسن بن ماجد يرثي اخوه الشاعر النقيب / فهد رحمه الله





يـا جـز قلبـي ويـا ونينـي مـن اقصـاه
ويـا حـر كـبـدي ويــا تفـطّـر حشـايـا

آهٍ عــــــــــلـــــــــــى آهٍ وآهٍ ورى آه
وآهٍ بقـلـبـي تشـتـعـل بــــي صــلايــا

لا والله الـلــي راح فـهــدٍ واويــــلاه
لا والله الـلــي راح ســهــم الـمـنـايـا

ياكسـر ظهـري ياعـرب عقـب فرقـاه
ذا مـحـزمـي ذا مـسـنـدي ذا رجـايــا

يا وجد وجدي وجـد رجـلٍ علـى مـاه
تحـاوطـوه الـقـوم بـاقـصـى النـحـايـا

عابـوا رجولـه واقطعـوا كـف يمـنـاه
واخــذوا بنـاتـه مـــن يـديـنـه سـبـايـا

ويا وجد وجدي وجد حسنٍ على أخاه
وجـــد يـتـوجّـد بـــه كـبـيـر الـبـلايـا

يـا حافـريـن القـبـر وسـعّـوا زوايــاه
تــراه أبــو مـاجـد جـزيــل العـطـايـا

ويا للي تشيلونه علـى الرفـق ممشـاه
تــراه يــا مــا شــال حـمـل المـطـايـا

وحطـوه عاليمّـه عسـى الخيـر ملفـاه
واحمـوه م التـربـان راعــي الحمـايـا

وعلـيـكـم بـسـتـره ولا يـقـصــر رداه
تـراه غـاض الطـرف ستـر الصبـايـا

ولا من كشفتـوا راسـه أعلـوا محيّـاه
تـــراه قـبــل الـيــوم راســـه عـلايــا

وصبوا على قبره من الماء ما يـرواه
تـــراه مــــروي يـابـسـيـن الـشـفـايـا

وادعوا عسـى ربـي يبيحـه ويرضـاه
ويجـعـل صحـافـه مــن ذنـوبـه نقـايـا

والحيـن... خلونـي أنــا شــوي ويــاه
عـنـدي مــع أخـويـه عـتـاب وحكـايـا

يا خوي رحت وخاطري جـاه ماجـاه
وانــا الكبـيـر ودايـــم أنـــت ورايـــا

ودايـــم تقـدمّـنـي وذا الـلـيـل عـــزّاه
خليـتـنـي عـقـبـك أشــيــل الــرزايــا

ودايــم وانــا ويــاك شــورٍ ومـلــواه
وذا الليـل مـا ردّيــت شــورٍ و رايــا

والـيـا ناديـتـك مـــن يـــرد الـمـنـاداه
وإنْ جيت أبشكي مـن يجـاوب شكايـا

ويا كيف أسج بخاطـري مانتـب هنـاه
ولمـيـن ابـيّّــح يـــا بـومـاجـد خـفـايـا

وإليـا كتـبـت الـقـاف وشـلـون تـقـراه
وإنْ جيت أوصّي من يحفظ الوصايـا

وإنْ شفتنـا عيالـك يـا كبـدي واحــراه
شفت اللي من زولك غـدوا لـي بقايـا

يا خـوي قللـي أخـوك وش لـه بدنيـاه
دنـيــا دنـيّــه مـــا بــهــا إلا الـدنـايــا

جريّـت قلـبـي يــا فـهـد مــن ركـايـاه
وأدمـيـت مابـيـن الـضـلـوع الحـنـايـا

أبكـيـك وليـتـه يـنـفـع الـحــر مـبـكـاه
مـيـر الـبـلا مــا يــرد زولــك بـكـايـا

تبكيـك عينـي وخافـقـي يقـطـر دمــاه
ويبكـي معـي يـا خـوك كــل البـرايـا

ويبكـي معـي يـا خـوك دلال مـزهّـاه
عـودّتـهـا لـلـضـيـف تــأتــي مــلايــا

ويبكـي معـي يـا خــوك حـيـلٍ منـقّـاه
ضرّيتـهـا كــل يــوم فـيـهـا ضـحـايـا

وتبكـي معـي اعيـون ويـديـن وشـفـاه
جـنّــك ضـمـايـا وصـدرنّــك روايـــا

يـا مـن ملكـت قلـوب نـاسٍٍ لهـا جــاه
يــا مــن حـبـاك الله بـزيـن السـجـايـا

فزعوا الدواسر سمعوا الذيب وعـواه
مـن طيـب فعلـك حوّلـوا لــك حفـايـا

كــل الـعــرب يـــا خـــوك والله والله
كلـه لأجــل عيـنـك تصـافّـوا سـرايـا

حمـلـك ثقـيـلٍ يــا بـومـاجـد وشـلـنـاه
والله يـصـبّـرنـي ويـجـبــر عــزايـــا

هــذا الفـتـى مـثـلـه قـلـيـلٍ بـالاشـبـاه
يالـيـت عـيـال الــلاش دونـــه فـدايــا

حاز الفخـر والعـز مـن كسـب يمنـاه
وكـســب الثـنـايـا مـايـجـي بـالـنـوايـا

يـا لله عسـى الفـردوس بيتـه ومـثـواه
يــــا لله يــــا ربّــــي تـقـبّــل دعــايــا