يالله يــاجـــال الامـــــور الـمـهـمــه=يالواحـد اللـي خـالـقٍ كــل مخـلـوق
أفــرج لقـلـب يشـتـعـل فـيــه هـمــه=قلـب مـن أحـداث المقاديـر مـحـروق
والعيـن تخطـي نومـهـا ثــم تخـمـة=كـن الهمـوم الجايـره داخـل الـمـوق
عزي لمن مثلي وقـع فـي ابـن عمـه=واصبح سجين ودونه الباب مغلـوق
مـا غـيـر افــرق هــم قلـبـي والـمـه=من يوم مات سعيد والقلـب محـروق
وانـا السبـب مـن غيـر سـب ومذمـه=ذبحـة صديقـي مالهـا اسبـاب تعـوق
غصـب علـي جـات المصيبـة مطمـه=لا عـامـدً ذبـحـه ولانـيــب مـطـفـوق
كنـت أحسـب الطلقـات مهـيـب يـمـه=مير القدر يامـر بـه الـرب مـن فـوق
واليـوم حالـي جـايـر الـوقـت سـمـه=بشكي على ظافر ومرضي ومرزوق
هم ربعي اللي فـي الظـروف الملمـه=فزعاتهـم يبـرد لهـا القلـب ويــروق
تكفـون يـا ربعـي تـرى الطيـب قمـه=قمة جبل وانتم على الطيب من فـوق
رفيـقـكـم يـومــي زمــانــه بـكـمــه=أمـا الحقـوا وألا فـلا هـوب ملـحـوق
يـدخـل عـلـى الله ثــم عليـكـم بـدمـه=دخيلكـم مـن ذبحتـه داخــل الـسـوق
أخلوا سبيله وأخذوا الاجـر فـي أمـه=أجر من الله وأخذوا الطـاق مطبـوق
تكـفـون يــآل غنـيـم جــدع الأعـمـه=عاداتكـم والطيـب سابـق ومسـبـوق
لا تسمعـون الـلـي حـكـى لــه بنـمـه=والحاسـد اللـي حاقـد جعلـه الـعـوق
والخـتـم يـاجــال الامـــور المـهـمـه=يالواحـد الــي خـالـق كــل مخـلـوق